Outro oficio que ten risco de desaparecer
na nosa aldea, é o de pescador.
En Millares, quedan algúns pescadores que antigamente ían ó Río Eo a pescar troitas ou anguías, no tramo que discorre pola parroquia de Cubilledo, que é o máis próximo ó noso pobo.
En Millares, quedan algúns pescadores que antigamente ían ó Río Eo a pescar troitas ou anguías, no tramo que discorre pola parroquia de Cubilledo, que é o máis próximo ó noso pobo.
Río Eo |
A troita, reprodúcese no inverno, de
novembro a xaneiro.
A anguía é un peixe que nace no mar dos
Sargazos, cando chegan ás costas de Europa soben polos ríos a alimentarse, logo
dun tempo, inician o seu descenso cara ó mar para inicialo viaxe de volta ó mar
dos Sargazos onde logo de facer a posta, morren. Este peixe pode avanzar por
terra firme sobre todos nos días chuviosos para pasar dun rego a outro.
Segundo a lexislación galega actual, como
norma xeral a pesca da troita é do 1 de maio ao 31 de xullo e unha dimensión
mínima de 19 cm .
A cota máxima de captura por persoa e xornada: 10 exemplares. Os engados
artificiais autorizados son: mosca artificial, culleriña e peixes artificiais e
semellantes. En canto ós engados naturais: todos os engados naturais agás todo
tipo de ovas de peixes e o peixe natural. Só poderán empregarse anzois de
dimensións maiores ou iguais que as que se sinalan na normativa.
En canto á anguía, na última tempada,
vedouse a súa pesca en todas as augas continentais da Galiza e en todas as
fases do ciclo vital da especie, incluíndo en todo caso os exemplares
denominados comunmente como angula ou meixón.
Con carácter xeral, decláranse os luns
como inhábiles para a pesca, agás festivos estatais ou galegos.
Nos coutos de pesca, serán tamén inhábiles
os xoves, agás festivos estatais ou galegos.
De conformidade co disposto no artigo 31.3
da Lei de pesca fluvial, só se poderá practicar a pesca no período comprendido
entre unha hora antes da saída do sol e unha hora despois do solpor.
Como regra xeral, e para todas as
especies, só se autoriza a pesca con cana. Na última tempada estiveron vedados
uns 10km no nacemento do río Eo.
Ningún comentario:
Publicar un comentario