9 de out. de 2012

Castelo


Houbo un castelo no alto da serra de Montouto? Sería unha torre, miradoiro, castelo, fortín, ou campamento como o descuberto no cume da Recacha en Navia de Suarna, dende onde se controlaba unha gran parte de territorio?.
Do que se acordan os veciños de Millares de máis idade, é de ver unha morea de pedras en redondo, con algo de altura, no máis alto da serra de Montouto a uns 1030 metros de altitude cerca do vértice xeodésico. É o lugar máis elevado da nosa parroquia. A esa zona chamábanlle “O castelo”. Dicían: “vas ó Castelo ca facenda...”, “cheguei ó Castelo...”. Dende ese punto pódense ver varios límites da provincia de Lugo. 
Tamén contan que dende aí, nas noites claras podíase ver o resplandor da luz do faro da Coruña, anque esto parece máis un conto que unha realidade...
Hoxe en día non sabemos se hai restos ou se desapareceron polas obras feitas nesa zona: parque eólico, pistas, casetos, etc... 



Ningún comentario:

Related Posts Plugin for WordPress, Blogger...